ಕವಿತೆಯಾದಳಾ..ಗೆಳತಿ..?

 

ಭಾವಗಳ ಹಾದಿಯಲಿ ನಡೆಯುವಾಗ

ಜೊತೆಯಾದಳು ಕವಿತೆ..

ನಿಸರ್ಗದ ಜಾತ್ರೆಯಲಿ ಹುಡುಕಾಡುವಾಗ

ಸ್ನೇಹವರಸಿದ ಮನಕೆ ಇನ್ನೆಲ್ಲಿಯ ಕೊರತೆ..

ಕಲ್ಪನೆಯ ಚಾರಣದಿ ಅಲೆದಾಡುವಾಗ

ಪದಗಳಿಗೇನೊ ನವಿರಾದ ಸ೦ಕಟವೇ ಕಾಡಿದೆ..

ಸ್ಪೂರ್ತಿಯ ಸೆಲೆತವು ಭಾವನೆಗೆ

ಜೋತು ಬಿದ್ದಾಗ

ಕಾದು ಬೇಸರಿಸಿದ ಸಾಲುಗಳ ಆರ್ಭಟದ ಗೋಜಿದೆ..

ಹೊತ್ತಿಗೆಗೆ ಹೊತ್ತಿಲ್ಲದ ಲೇಖನಿಯ ಹ೦ಬಲದಿ ಧ್ಯಾನಿಸುವ

ಬೇಡಿಕೆಯು ಏಕಿದೆ..

ಮುದ್ದು ಮುದ್ದಾದ ನನ್ನ ಪೆನ್ನಿಗೇತಕೊ ಈ ನಡುವೆ

ಸಿಹಿಸಿಹಿಯಾದ ಕೊಬ್ಬಿದೆ..

ಮೌನವಾಗಿಯೇ ಈ ಗೆಳತಿಗೆ ನನ್ನ ನಮನವು ಸ೦ದಿದೆ..

+117