ಅಂತರ

ನೋವಿಗೂ ನಗುವಿಗೂ
ಎಷ್ಟು ಅಂತರ
ಪ್ರೀತಿ ಅರಿವು ಹಂಚಿದಷ್ಟು
ಬಾಳು ಸುಂದರ

ನವ್ಯ ನಲಿವು ಒಲಿದ ಒಲವು
ಬಾಳ ಗೆಲುವಿಗೆ
ನಾಳೆ ದಿನವ ಸದಾ ನೆನೆವ
ಮೌನ ಚೆಲುವಿಗೆ

ಆಪ್ತದೊಂದು ಸುಪ್ತ ಮಾತು
ಸುತ್ತಿಕೊಳ್ಳಲು
ನೋಟಕೊಂದು ಕಣ್ಣು ಸಾಕು
ಜಗವ ನೋಡಲು

ಹಸಿದ ಹಸಿವೆಗೆ ಮಣ್ಣೊಳಗಿನ
ಅನ್ನ ಉಸಿರಾಗಿದೆ
ನಿದ್ದೆ ಕನಸಿನ ಕಣ್ಣಿಗೆ
ನೆಮ್ಮದಿ ಮುನ್ನುಡಿಯಾಗಿದೆ

ಹಸಿರು ಮಡಿಲಿಗೆ ಚಿನ್ನದೆಳೆಗಳು
ನಗುತಾ ಹರಡಿವೆ ಸೊಬಗನು
ಪ್ರೀತಿ ಚೆಲುವಿಗೆ ಬಾಳು ನಗುತಿದೆ
ಹಾಡಿ ಹೊಗಳಿದೆ ಬದುಕನು

–ನಾಗರಾಜ ಬಿ.ನಾಯ್ಕ , ಕುಮಟಾ

+7