ವೀಳ್ಯದೆಲೆ

ಹಸಿರೆಲೆಯೇ ಬದುಕು
ದಿನದ ಮಾರಾಟ ಸರಕು
ಹೊಟ್ಟೆಗೆ ಹಿಟ್ಟಿಗೆ ಎಲ್ಲದಕು
ವೀಳ್ಯದೆಲೆ ನಿತ್ಯ ಬೇಕು

ಎಲೆಗಳ ರಾಶಿ ತಲೆಯಲಿ
ನಡಿಗೆ ಸಾಗಿದೆ ದಾರಿಯಲಿ
ದುಡಿವ ನಾರಿಯರ ಕರದಲಿ
ಸಾಲಾಗಿ ನಿಂತಿದೆ ಸಂತೆಯಲಿ

ಬಾಯಿಗೆ ಕೆಂಪನು ನೀಡಿರುವೆ
ದೇಹಕೆ ಆರೋಗ್ಯವ ಕೊಟ್ಟಿರುವೆ
ಮಾರಾಟಗಾರರಿಗೆ ಹಣವನು ತಂದಿರುವೆ
ಕೆಲವರಿಗೆ ಚಟವಾಗಿ ಕಾಡಿರುವೆ

ಪೂಜೆಗೂ ಸಲ್ಲುವೆ ನೀ
ದೃಷ್ಟಿಯ ನಿವಾಳಿಸಲು ನೀ
ಅಡಿಕೆ ಸುಣ್ಣಕೆ ಸಂಗಾತಿ ನೀ
ಬಾಳ ಹಸನಾಗಿಸುವ ಹಸಿರು ನೀ

ಬುಟ್ಟಿಯೊಳಗೆ ನಗುತಿರುವೆಯಲ್ಲ
ಹೊತ್ತಿರುವವರ ಹಾದಿ ಸಲೀಸಲ್ಲ
ಹಸಿರೆ ಉಸಿರು ಈ ಹೆಂಗಳೆಯರಿಗೆಲ್ಲ
ಬಾಡದಿರಲಿ ಆ ಜೀವಗಳು ನಿನ್ನಂತೆಲ್ಲ.

-ಪ್ರತಿಭಾ ಪ್ರಶಾಂತ.

+7