‘ಕಟ್ ಮಂಡಿಗೆ’

Share Button

Katmandige sweet

ಜೈನಕಾಶಿಯೆಂದು ಪ್ರಸಿದ್ಧವಾದ ಮೂಡುಬಿದಿರೆಯಿಂದ, ನನ್ನ ತಂಗಿ ತಂದ ಸ್ಪೆಷಲ್ ಸ್ವೀಟ್ ಇದು. ಇದರ ಹೆಸರು ‘ಕಟ್ ಮಂಡಿಗೆ’ಯಂತೆ. ಬಿಳಿ ಬಣ್ಣದ ಕರವಸ್ತ್ರವನ್ನು ಚೌಕಾಕಾರದಲ್ಲಿ ಮಡಚಿ ಇಟ್ಟಂತೆ ಕಾಣಿಸುತ್ತಿದ್ದ ಈ ಸಿಹಿ ತಿನಿಸು, ಬಹಳ ತೆಳುವಾದ ಪದರಗಳನ್ನು ಹೊಂದಿತ್ತು. ತುಪ್ಪದ ಪರಿಮಳ ಢಾಳಾಗಿದ್ದು, ಬೂರಾ ಸಕ್ಕರೆಯ ಲೇಪವಿತ್ತು.

ಹಾಗೆಯೇ ತಿಂದರೆ ಸಿಹಿ ಸ್ವಲ್ಪ ‘ಅತಿ’ ಎನ್ನಿಸುವಷ್ಟಿತ್ತು. ಸ್ವಲ್ಪ ಹಾಲು ಸೇರಿಸಿ ತಿಂದರೆ ಸಿಹಿ ಸರಿಯಾಗುತ್ತದೆ. ರುಚಿ ಸುಮಾರಾಗಿ ಚಿರೋಟಿ-ಹಾಲು-ಸಕ್ಕರೆಯಂತೆ.

ಮೂಡುಬಿದಿರೆಯ ಆಸುಪಾಸಿನಲ್ಲಿರುವ ಜೈನ ಸಮುದಾಯದವರಿಗೆ ಶುಭ ಸಂದರ್ಭಗಳಲ್ಲಿ ‘ಕಟ್ ಮಂಡಿಗೆ’ ಸಿಹಿ ಇದ್ದರೆ ಬಹಳ ಶ್ರೇಷ್ಠವಂತೆ. ಅಕ್ಕಿಯನ್ನು ನೀರಲ್ಲಿ ರುಬ್ಬಿ, ತೆಳ್ಳಗೆ ಮಾಡಿ, ಕಾದ ಹೆಂಚಿನಲ್ಲಿ ನಾಜೂಕಿನಿಂದ ಸವರಿದಾಗ , ವೇಫರ್ ನಂತಹ ತೆಳು ಪದರ ಸೃಷ್ಟಿಯಾಗುತ್ತದೆ. ಇದನ್ನು ತೆಗೆದು, ಅದರ ಮೇಲೆ ತುಪ್ಪ-ಪುಡಿ ಮಾಡಿದ ಸಕ್ಕರೆ ಸವರುತ್ತಾರೆ. ಇದರ ಮೇಲೆ ಇನ್ನೊಂದು ಪದರ…ಇನ್ನೊಮ್ಮೆ ತುಪ್ಪ-ಸಕ್ಕರೆ….ಮತ್ತೊಂದು ಪದರ….ಮತ್ತೊಮ್ಮೆ ತುಪ್ಪ-ಸಕ್ಕರೆ….ಹೀಗೆ ಪುನರಾವರ್ತನೆಗೊಂಡಾಗ ‘ಕಟ್ ಮಂಡಿಗೆ’ ಸಿದ್ಧವಾಗುತ್ತದೆ ( ಮಾಹಿತಿ : ಅಂತರ್ಜಾಲ)

 

 – ಹೇಮಮಾಲಾ.ಬಿ

6 Responses

  1. Shruthi Sharma says:

    Wow! Nice information 🙂

  2. Ashwini Chintamani says:

    ಮೇಡಮ್ ಇದು ಆಂಧ್ರ ಸ್ಪೆಷಲ್ ಸ್ವೀಟ್, ಪುಟರೇಕು ಅಂತ ಇದರ ಹೆಸರು.

  3. Gangadhar A M says:

    ಮೊನ್ನೆ ತಾನೇ ಮೂಡಬಿದಿರೆಯ ಪಡಿವಾಳ್ ಜೈನ್ ಹೊಟೇಲ್ನಲ್ಲಿ ಖರೀದಿಸಿ ಆಸ್ವಾದಿಸಿದೆವು. ನಿಜವಾಗಿಯೂ ವಿಶಿಷ್ಟ ತಿನಿಸು. ನಮ್ಮ ಮಲೆನಾಡಿನ ತೊಡೆದೀವನ್ನು ಹೋಲುತ್ತದಾದರೂ ಅದಕ್ಕಿಂತ ಶ್ರೀಮಂತ ಹಾಗೂ ಸ್ವಾದಿಷ್ಟ. ಒಂದು ಕರವಸ್ತ್ರದಂತಹ ಹಲವು ಮಡಿಕೆಗಳ ಸಿಹಿಗೆ 135 ರೂ ದರ. ಆದರೂ ಓ ಕೆ !

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: