ಜ್ಞಾನ ಯಾನ, ಅನುಭವ ಘನ..!
ಮೈನಂನಾಗೇಶ
ಪುಸ್ತಕ ಮಸ್ತಕಕೇರಿಸಿ
ಹೊತ್ತು ಮೆರೆಸಿದೆ ಸುತ್ತಿ
ಭಟ್ಟಿ ಇಳಿದೀತೆ ತಳಕೆ ?
ತಲೆಯೊಳಗಿನ ಬುಡಕೆ ||
ಸಾಲದೆಂದರು ಓದಿದೆ
ಬಿಡದೆ ಪುಟ ಪುಟವನ್ನು
ಉರು ಹೊಡೆದರು ಶುದ್ಧ
ಕಂಠಪಾಠ ಯಂತ್ರ ಸದ್ದ ||
ಅರೆದು ಕುಡಿದರೆ ಸಾಕೆ ?
ಅರಗಿಸಿಕೊಳ್ಳಬೇಕೆಲ್ಲಾ..
ಎಂದವರ ನಂಬಿ ಕೂತೆ
ಅಕ್ಷರಕ್ಷರಕು ತಿಣುಕಾಡುತೆ ||
ಮಸ್ತಿಷ್ಕದ ತೊಟ್ಟಿಗೆಲ್ಲ
ತುಂಬಿದ್ದೆ ಬಂತು ಕಸಕಡ್ಡಿ
ಕಸರತ್ತು ರಸ ತೆಗೆಯೆ
ಗೊಂದಲ ನೂರು ಬಗೆಯೆ ||
ಬದಿಗಿಟ್ಟ ಹೊತ್ತಂದೊಂದು
ಕಲಿಸಿತು ಜೀವನ ಪಾಠ
ಅನುಭವ ವೇದ್ಯ ಸುವೈದ್ಯ
ಜ್ಞಾನ ಮಾರ್ಗದರ್ಶಿ ಸಾನಿಧ್ಯ ||…
.
– ಮೈನಂನಾಗೇಶ
.
