ಮೂರು ಮತ್ತೊಂದು..

Share Button

Mohini Damle (Bhavana)

 

ತಪ್ತ

ಕೆಂಗಣ್ಣು ಬೀರಿದರೆ ಕಾಲು ಕುಸಿಯುವುದು
ಕಿಡಿಗಣ್ಣು ಬೀರಿದರೆ ಒಡಲು ಹಸಿಯುವುದು
ಉರಿಗಣ್ಣು ಬೀರಿದರೆ ಅಳಲು ಬಸಿಯುವುದು
ಬಿರುಗಣ್ಣು ಬೀರಿದರೆ ಬರವು ಮಸೆಯುವುದು.

ನಿರಾಳ

ಕಳೆಯಬೇಕು ಕಣ್ಣ ಕಿಸುರು
ತೊಳೆಯಬೇಕು ಕಾಲ ಕೆಸರು
ತಣಿಯಬೇಕು ಕುದಿವ ಎಸರು
ಹಣಿಯಬೇಕು ಶುಭದಿ ಕೊಸರು.

ಅಸಹಾಯ

ಜೀವವದು ಸ್ನಿಗ್ಧ
ಜೀವಿತವು ಶುದ್ಧ
ಭಾವಗಳು ಮುಗ್ಧ
ಭಾವಿತಕೆ ಬದ್ಧ.

ವಿಧಿಯಾಗೆ ಕ್ರುದ್ಧ
ಎಲ್ಲವೂ ದಗ್ಧ
ನೆನಹುಗಳು ರುದ್ಧ
ಈಗ ಬರೀ ಶ್ರಾದ್ಧ.

ಪಿಚಕಾರಿ

four leavesಆಸೆಗಳ ಸಿಗಿದು
ಆಗಸಕೆ ಜಿಗಿದು
ಭಾಸಗಳ ಒಗೆದು
ಹಾಸಗಳ ಮೊಗೆದು
ವೇಷಗಳ ಹುಗಿದು
ಘೋಷಗಳ ಬಿಗಿದು….
ಕಚಕಚನೆ ಜಗಿದು
ಪಿಚಪಿಚನೆ ಉಗಿದು
ಕೆಂಗವಳ ಮುಗಿದು
ಅಂಗಳದಿ ನಿಗಿದು.

 – ಮೋಹಿನಿ ದಾಮ್ಲೆ (ಭಾವನಾ)

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: