ಗೆಳತಿಯರು ಕಾಣೆಯಾಗಿದ್ದಾರೆ

ಬೆಳಗೆದ್ದು ಅಮ್ಮ ಮಾಡಿಡುತ್ತಿದ್ದ ತಿಂಡಿಗೆ

ಚೂಸಿಯಾಗಿದ್ದ ಗೆಳತಿಗೆ

ಫೋನ್ ಮಾಡಿದರೆ

ಬ್ಯೂಸಿ ಎಂಬ ಕೂಗು,

.
ಡಿಗ್ರಿಯಲ್ಲಿ ಆರೇಳು ಗೋಲ್ಡ ಮೆಡಲ್‍ಗಳನ್ನು

ಕುತ್ತಿಗೆಗೆ ನೇತುಕೊಂಡು

ಫೋಸ್ ನೀಡಿದ್ದ ಗೆಳತಿಯನ್ನು

ವಿಚಾರಿಸಿದೆ,ಅವಳೂ ಬ್ಯೂಸಿ

.
ಇನ್ನೊಂದು ಗೆಳತಿಯ ಮನೆಯ

ಸಂದೂಕಿನ ಸಂದಿಯೊಳಗೆ

ಅವಿತ ಹಾಳೆಯಲ್ಲಿನ ಕವಿತೆಯ ಕೇಳಿದೆ

ನಿನ್ನ ಜನ್ಮದಾತೆ ಎಲ್ಲಿ?

.
ಆಫೀಸಿನಿಂದ ಬಂದೊಡನೆ

‘ಟೀ’ ಎಂದು ಕೂಗುತ್ತಿದ್ದ

ಗೆಳತಿಗೆ,ಆಫೀಸು ಮುಗಿದ ಮೇಲೆ

ಟಿ ಕುಡಿಯೋಣವೆಂದೆ,

ಏನಾಶ್ಚರ್ಯ?

ಅವಳಿಗೆ ಟಿ ಕುಡಿಯಲು ಸಮಯವಿಲ್ಲವಂತೆ,

.
ಅಪ್ಪನ ಮುದ್ದಿನ ಮಗಳು,

ಅಣ್ಣನ ಬೇಜವಾಬ್ದಾರಿ ತಂಗಿ,

ಹೀಗೆ ಅನೇಕ ಗೆಳತಿಯರು,

ಇಂದು ಕಾಣೆಯಾಗಿದ್ದಾರೆ,

ತಾಯಿ ಋಣವ ತೀರಿಸಿದಕೆ

ಸಂತೃಪ್ತಭಾವನೆಯ ಹುಡುಕಿಕೊಂಡಿದ್ದಾರೆ.
.

-ಬೀನಾ ಶಿವಪ್ರಸಾದ
.