ಹರಿದುಬಿಡು…..

Share Button

            

           

ಬರಿಯ ಒಣಹಾಳೆಯ ಗೀಚುಗಳವು ಹರಿದುಬಿಡು
ಮೈಸೊಕ್ಕಿಗೆ ಬಂದ ಒಡ್ಡುಗಳ ದಾಟಿ ಹರಿದುಬಿಡು

ಶುಷ್ಕ ಪದ ಪಂಕ್ತಿಗಳವು ಓದದೆಯೆ ಹರಿದುಬಿಡು
ನಿನ್ನ ಹೃದಯಭಾರ ಇಳಿಸಲೊಮ್ಮೆಲೆ ಹರಿದುಬಿಡು

ಅಸತ್ಯಗಳಾಗರದ ಆಶ್ವಾಸನೆಗಳವು ಹರಿದುಬಿಡು
ನೋವ ನುಂಗುವ ಘನತೆಯೊಂದಿಗೆ ಹರಿದುಬಿಡು

ಮೃಗತ್ವ ಮರೆಮಾಚಿ ಬರೆದವುಗಳ ಹರಿದುಬಿಡು
ಮಾನವತ್ವದ ಹದದಲ್ಲಿ ಹನಿಯಾಗಿ ಹರಿದುಬಿಡು

ಅಪಾತ್ರನ ಪತ್ರ ದೃಢ ಕೈಗಳಿಂದಲೆ ಹರಿದುಬಿಡು
ನಿನ್ನ ಪಾತ್ರವ ಬಿಡದೆ ‘ಅನಂತ’ ಗಮ್ಯಕೆ ಹರಿದುಬಿಡು

(ಗಜಲ್)

– ಅನಂತ ರಮೇಶ್ 

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: