ಮಿರಾಕಲ್ ಆನ್ ವೀಲ್ಸ್ ಎಂಬ ಮಾಯಾಲೋಕ

Share Button

miracle onwheels1
ಆಧುನಿಕ ಜಗತ್ತಿನಲ್ಲಿ ಸಾಮಾನ್ಯ ಮನುಷ್ಯನೇ ತನ್ನ ಶಕ್ತಿ ಮತ್ತು ಸಾಮರ್ಥ್ಯದೊಡನೆ ಸಮಾಜದಲ್ಲಿ ಗುರುತಿಸಿಕೊಳ್ಳುವುದು ಕಡಿಮೆ. ಅಂತಹದ್ದರಲ್ಲಿ ವಿಕಲಚೇತನರ ಪ್ರಯತ್ನದೊಡನೆ ನಡೆಯುತ್ತಿರುವ ಕಾರ್ಯಕ್ರಮ ಮಿರಾಕಲ್ ಓನ್ ವೀಲ್. ಗಾಲಿ ಕುರ್ಚಿಯಲ್ಲಿ ಪ್ರದರ್ಶನ ನೀಡುವ ಈ ವಿಕಲಚೇತನರ ಪ್ರತಿಭೆಗೆ ಅಂಗವೈಖಲ್ಯ ಎಂದಿಗೂ ಅಡ್ಡಿಯಾಗಿಲ್ಲ.

ಸೈಯದ್ ಸಲ್ಲಾವುದ್ದೀನ್ ಅವರ ನೇತೃತ್ವದ ಈ ತಂಡದಲ್ಲಿ ಸುಮಾರು 15 ಕ್ಕೂ ಆದಿಕ ಸಂಖ್ಯೆಯ ಕಲಾವಿದರಿದ್ದು ಒಂದು ಉತ್ತಮ ಸಮಾಜಿಕ ಸಂದೇಶವುಳ್ಳ ನೃತ್ಯ ರೂಪಕವನ್ನು ವೀಕ್ಷಕರಿಗೆ ಕೊಡುವ ಜವಾಬ್ದಾರಿ ಹೊತ್ತಿದ್ದಾರೆ. ಸೈಯದ್ ಸಲ್ಲಾವುದ್ದೀನ್ ಅವರು ಭರತನಾಟ್ಯ, ಕಥಕ್ ಪ್ರಕಾರಗಳಲ್ಲಿ ಸಾಧನೆ ಮಾಡಿದ್ದು ತನ್ನ ಕಲಾಸಧಕರನ್ನು ತಯಾರು ಗೊಳಿಸಲು ನೆರವಾಗಿದೆ.

ಈ ತಂಡಕ್ಕೆ ನೃತ್ಯರೂಪಕ ಎನ್ನುವುದು ಕೇವಲ ಪ್ರದರ್ಶನದ ಕಲೆಯಲ್ಲ. ದೈಹಿಕವಾಗಿ ಸಬಲರಾಗಲು ಇದು ಇವರೊಳಗಿನ ಶಕ್ತಿಯಾಗಿ ಪರಿಣಮಿಸಿದೆ. ಇದುವರೆಗೆ ಈ ತಂಡ ಸುಮಾರು ೧೦,೦೦೦ಕ್ಕೂ ಅಧಿಕ ಪ್ರದರ್ಶನ ನೀಡಿದ್ದು ಲಿಮ್ಕಾ, ಗಿನ್ನಿಸ್ ದಾಖಲೆಯಲ್ಲಿ ತಮ್ಮ ಹೆಸರು ಮೂಡಿಸಿದೆ. ಸೋಫಿ, ಯೋಗ, ದೇಶಭಕ್ತಿ ಗೀತೆ ಮತ್ತು ನೃತ್ಯ, ಪೌರಾಣಿಕ ರೂಪಕ, ಹಾಡುಗಳ ಮೂಲಕ ಜನರನ್ನು ರಂಜಿಸುವ ಈ ತಂಡಕ್ಕೆ ಕಲಾಸಕ್ತರ ಚಪ್ಪಾಳೆಯೇ ಪ್ರೀತಿಯ ಮುಕುಟ.

miracle on wheels 2  miracle on wheels3

miracle on wheels 4

ಆಳ್ವಾಸ್ ನುಡಿಸಿರಿ, ಧರ್ಮಸ್ಥಳ ಲಕ್ಷದೀಪದಂತಾ ಆಕರ್ಷಕ ಕಾರ್ಯಕ್ರಮಗಳಲ್ಲಿ ತಮ್ಮ ಕಲಾಸಾಮರ್ಥ್ಯ ಬಿಚ್ಚಿಡುವ ಈ ತಂಡ ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಹಲವು ಕಾರ್ಯಕ್ರಮ ನೀಡಿದೆ. ಇವರ ಕಲಾಸಾಮರ್ಥ್ಯಕ್ಕೆ ಈಗಾಗಲೇ ಹಲವು ಪ್ರಶಸ್ತಿಗಳು ಈ ತಂಡಕ್ಕೆ ಲಭ್ಯವಾಗಿವೆ. ವಿಕಲಚೇತನರೂ ಪ್ರಕೃತಿಯ ಒಂದಂಶ ಅವರನ್ನು ಬೇರೆ ಎಂದು ಕಾಣುವುದು ಅಸಮರ್ಪಕ ಎನ್ನುವ ಸಂದೇಶವನ್ನು ಸಮಾಜಕ್ಕೆ ಸಾರಲು ಹೊರಟಿರುವ ಈ ತಂಡದ ಪ್ರತಿಭೆಗೆ ಅವಿರತ ಶ್ರಮವೇ ಸ್ಪೂರ್ತಿ.

ನೃತ್ಯದ ಮೂಲಕ ಮಹಾಭಾರತ ಕತೆಯನ್ನು ಬಿಚ್ಚಿಡುವ ಈ ತಂಡ ಸರ್ವಧರ್ಮ ಸಮನ್ವಯತೆಯ ತತ್ವವನ್ನು ಸಮಾಜಕ್ಕೆ ಸಾರುವ ರೀತಿ ಸುಂದರ. ಇಡೀ ಪ್ರದರ್ಶನದುದ್ದಕ್ಕೂ ವೀಲ್ ಚಯರ್, ಊರುಗೋಲುಗಳು ಇವರ ನೃತ್ಯ ಪರಿಕರಗಳಾಗಿ ಗೋಚರಿಸುವುದರೊಡನೆ ಆ ಉಪಕರಣಗಳ ಕುರಿತು ಸಮಾಜದ ಸಾಮಾನ್ಯ ಧೋರಣೆಯನ್ನು ಬದಲಾಯಿಸುವಂತಿರುತ್ತದೆ,

 

ಬರಹ: ಎನ್. ಪೂಜಾ. ಪಕ್ಕಳ, ಎಮ್.ಸಿಜೆ. ಎಸ್. ಡಿ. ಎಂ. ಕಾಲೇಜು ಉಜಿರೆ
ಚಿತ್ರ: ವಿಲ್ಸನ್ ಪಿಂಟೋ, ಎಮ್.ಸಿಜೆ. ಎಸ್. ಡಿ. ಎಂ. ಕಾಲೇಜು ಉಜಿರೆ.

 

4 Responses

  1. Hema says:

    ಶ್ಲಾಘನೀಯ ಪ್ರಯತ್ನ…ಅದ್ಭುತ ಪ್ರತಿಭೆ.. “ಮಿರಾಕಲ್ ಆನ್ ವೀಲ್ಸ್ ‘ ಅನ್ನು ಪರಿಚಯಿಸಿದ್ದಕ್ಕೆ ಧನ್ಯವಾದಗಳು.

  2. ಕಣ್ಣಲ್ಲಿ ನೀರು ತುಂಬುವಷ್ಟು ನೋವಾಯ್ತು . ಇಂಥ ಪ್ರತಿಭಾನ್ವಿತರಿಗೆ ಎಲ್ಲ ಅಂಗಗಳು ಚೆನ್ನಾಗಿದ್ದರೆ ಅದೆಷ್ಟು ಮುಂದುವರೆಯುತ್ತ ಇದ್ದರು ಅನ್ನಿಸಿತು . ವೆರಿ ಗುಡ್ .

  3. Sneha Prasanna says:

    Lekhana Thumba chennagide….

  4. savithri s bhat says:

    ಅದ್ಘುತ ಸಾಧನೆ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: