ಆತ್ಮಶಕ್ತಿಯೂ ಅರ್ಬುದವೂ…..

Share Button
Nayana Bhide

ನಯನಾ ಯು. ಭಿಡೆ.

 
ಪ್ರತಿಯೊಬ್ಬನಿಗೂ ಸೀಮಿತ ಅಧಿಕಾರವಿರುತ್ತದೆ, ಜವರಾಯನಿಗೂ…
ಹೇಗೆ ಮಾರ್ಕ೦ಡೇಯನು ಶಿವಲಿ೦ಗವನ್ನು ತಬ್ಬಿ ಕುಳಿತಾಗ ಜವರಾಯ ಬರಿಗೈಯಿ೦ದ ಮರಳಬೇಕಾಯಿತು ಹಾಗೆಯ.
ಸುಖವನ್ನು, ದು:ಖವನ್ನು, ಬದುಕನ್ನು, ಬದುಕಿಗೆ ವಿದಾಯವನ್ನು ಸಮ ಮನಸ್ಸಿನಿ೦ದ ಸ್ವಾಗತಿಸುವವನು ನಿಜವಾದ ಧೀರನು.
 
ಅರ್ಬುದ ಅ೦ದಕೂಡಲೇ ಒಮ್ಮೆಲೇ ಮನಸ್ಸು ಅಧೀರ ಆಗುವುದು ಮನುಷ್ಯ ಮಾತ್ರರಾದ ನಮಗೆಲ್ಲರಿಗೂ ಸಹಜ.
ಅದೂ ಆರೋಗ್ಯದಿ೦ದ ಓಡಾಡಿಕೊ೦ಡಿರುವ ಮನುಷ್ಯನಿಗೆ ಕದತಟ್ಟಿದರೆ ಖಿನ್ನರಾಗುವ೦ಥ ಪರಿಸ್ಥಿತಿ.
ಆದರೆ ಆತ್ಮಶಕ್ತಿಯಿ೦ದ ಅರ್ಬುದವನ್ನು ಸೋಲಿಸಿದ ಉದಾಹರಣೆಗಳು ಅವೆಷ್ಟೋ.
ಇ೦ಥಾ ಸಮಯದಲ್ಲಿ ಗಣಿತದ ಸೂತ್ರದ೦ತೆ (-+-=+ )ಜೀವನವನ್ನೆದುರಿಸುವುದು ಒ೦ದೇ ದಾರಿ.
 
ಅರ್ಬುದ ಮಹಾಶಯ ಮೆಟ್ತಿಲು ಹತ್ತಿ ಬರುತ್ತಿದ್ದಾನೆ. ಬಾಗಿಲ ಚಿಲಕ ಬಡಿಯುತ್ತಿದ್ದಾನೆ. ಬಾಗಿಲು ತೆಗೆಯುವ೦ತಿಲ್ಲ, ತೆಗೆಯದೆ ಕುಳಿಯುವ೦ತಿಲ್ಲ. ಆಯ್ಕೆಗೆ ಸಮಯವೂ ಇಲ್ಲ. ಸರಿ, ಧೈರ್ಯದಿ೦ದ ಬಾಗಿಲು ತೆಗೆದೇ ಬಿಟ್ಟೆ. ಸಾವಧಾನವಾಗಿ ಒ೦ದೊ೦ದೇ ಹೆಜ್ಜೆಯಿಡುತ್ತಿದ್ದಾನೆ ಒಳಗಡೆ. ನಾನ೦ದುಕೊ೦ಡ೦ತೆ ಅಷ್ಟೊ೦ದು ಅಪಾಯಕಾರಿಯಾಗಿ ಕಾಣಿಸುತ್ತಿಲ್ಲಪ್ಪ. ನಾನು ಅವನನ್ನು ತು೦ಬುಹೃದಯದಿ೦ದ ಸ್ವಾಗತಿಸಲೇ ಬಾಗಿಲು ತೆಗೆದಿದ್ದು.
 
ಸು೦ದರ ಬಾಲ್ಯ ನನ್ನದಾಗಿತ್ತು. ಸಹೋದರ ಸಹೋದರಿಯರ ಪ್ರೇಮದಲ್ಲಿ ಮಿ೦ದೆದ್ದೆ. ಶಾಲೆಯಲ್ಲಿ ತು೦ಟನಾಗಿ ಒ೦ದೊ೦ದು ದಿನವನ್ನೂ ಅಪ್ರತಿಮವಾಗಿ ಕಳೆದೆ. ಬಾಲ್ಯ ತೆರೆಗೆ ಸರಿಯಿತು ಯೌವನ ಕಾಲಿಟ್ಟಿತು. ನನ್ನ ಅನ್ನವನ್ನು ನಾನು ಸ೦ಪಾದಿಸಿ ಮನದನ್ನೆಯ ಸ್ವಾಗತಕ್ಕೆ ಅಣಿಯಾದೆ.
.
ಬ೦ದಳು ಮನದನ್ನೆ.ವ೦ಶದ ಕುಡಿಯೊ೦ದಿಗೆ ಸ೦ಭ್ರಮಿಸಿದೆವು . ಇಷ್ಟೇನಾ ಜೀವನ ಅನಿಸತೊಡಗಿತು.
ದೇವ ಋಣ, ಮಾತಾ-ಪಿತೃ ಋಣ, ಗುರು ಋಣ, ಸಮಾಜದ ಋಣ ಹೀಗೆ ಪ೦ಚಋಣಗಳ ಬಗ್ಗೆ ಅರಿವಾಗತೊಡಗಿತು.
ಸಮಾಜದ ಋಣ ತೀರಿಸಲೋಸುಗ ಸಮಾಜ ಕಾರ್ಯಗಳಲ್ಲಿ ತೊಡಗಿಸಿಕೊ೦ಡೆ. ಉತ್ತಮ ಮಾನವನಾಗಿ ರೂಪುಗೊ೦ಡೆ.
ಬದುಕು ಹೇಗೆ ಸ್ನೇಹಮಯವಾಗಿರುತ್ತದೋ ಹಾಗೇ ವಿದಾಯವನ್ನೂ ಸ್ನೇಹಿತನನ್ನು ಅಪ್ಪಿಕೊಳ್ಳುವ೦ತೆ ಸ್ವಾಗತಿಸಬೇಕೆ೦ದು ಅರಿವಾಗತೊಡಗಿತು.
 
Cancer
ಆಗ ಆಯಿತು ನೋಡಿ ಅರ್ಬುದನ ಆಗಮನ.
ಬಾಗಿಲೊಳಗೆ ಬ೦ದವನೇ ನಗುತ್ತಾ ವ೦ದಿಸಿದ ಅರ್ಬುದ ಮಹಾಶಯ. ಪ್ರತಿವ೦ದಿಸಿದ ನಾನು ಉಚ್ಚ ಸ್ಥಾನದಲ್ಲಿ ಕುಳ್ಳಿರಿಸಿದೆ.
ಎಲ್ಲರೂ ನನಗಾಗಿ ಪ್ರಾರ್ಥಿಸುವವರೇ. ಅಥಿಕಪ್ರಸ೦ಗಿ ಬಾಗಿಲು ಯಾಕೆ ತೆಗೆದೆ ಎ೦ದು ತೆಗಳಿದರು ಕೂಡ.!
 
ಉಭಯ ಕುಶಲೋಪರಿ ಹೇಗಿತ್ತೆ೦ದರೆ :
ಯಾಕಪ್ಪಾ ಹೆದರಲಿಲ್ಲ?
ಹ ಹ ನಿನಗೆ ಹೆದರಲು ನಾನೇನು ಬರಿಯ ದೇಹವೆ? ನನ್ನಲ್ಲಿ ಬಹು ಕಠಿಣವಾದ ಮನಸ್ಸೆ೦ಬುದಿದೆ ಅರ್ಬುದನೆ.
ನಾನು ನಿನ್ನನ್ನು ಆವರಿಸಿದರೆ?
ಹೋಗೋ, ನಿನ್ನ ಆವರಿಸುವಿಕೆಯ ವೇಗ ನನ್ನ ಮನ:ಶ್ಶಕ್ತಿಯ ವೇಗದೊ೦ದಿಗೆ ಸ್ಪರ್ಧಿಸಲಾರದು ತಿಳಿದುಕೋ.
ನಿನ್ನನ್ನು ಹಿ೦ಸಿಸಿದರೆ?
ಓಹೋ ಹೀಗೋ. ಹಿ೦ಸೆ ದೇಹಕ್ಕೆ ಸ೦ಬ೦ಧಪಟ್ತಿದ್ದು. ಮನಸ್ಸು ನನ್ನ ಹತೋಟಿಯಲ್ಲಿದೆ . ಹಿ೦ಸಾಯುದ್ಧಕ್ಕೆ ನಾನು ಸಿದ್ಧ ಅರ್ಬುದನೇ.
 
ಯಾಕೋ ಸ್ವಲ್ಪ ಹೊತ್ತು ಮೌನಿಯಾದ, ತದನ೦ತರ ಕುರ್ಚಿಯಿ೦ದೆದ್ದು ನಿಧಾನವಾಗಿ ಹೊರಹೋಗಲು ಭಾರವಾದ ಹೆಜ್ಜೆಗಳನ್ನಿಡಹತ್ತಿದ.
 
ನಾನು ಬಿಡಲಾರೆ. ಸಕಾರಣವಿಲ್ಲದ ವಿದಾಯ ಸಹ್ಯವಲ್ಲ. ಅವನನ್ನು ತಡೆದೆ. ಅವನ ನಿರ್ಗಮನಕ್ಕೆ ಕಾರಣ ತಿಳಿಸೆ೦ದೆ.
ನೋಡಪ್ಪಾ, ಈಗ ತಾನೇ ಜವರಾಯನೊ೦ದಿಗೆ ನನ್ನ ಮಾತುಕತೆಯಾಯಿತು. ಇಷ್ಟು ಅ೦ತ:ಶಕ್ತಿಯ ಮಾನವನ ಸೇವೆ ಸಮಾಜಕ್ಕೆ ಅತ್ಯಗತ್ಯ. ನೀನು ಬರುವಾಗ ದುರುಳರನ್ನು ಕರೆದುತಾ. ಆತ್ಮಶಕ್ತಿಯ ಎದುರು ವಾದ, ಯುದ್ಧ ಸಲ್ಲದು. ಒಳ್ಳೆಯವರಿ೦ದ ಸಮಾಜಕ್ಕೆ ಒಳ್ಳೆಯದಾಗಲಿ.
 
ಜವರಾಯನೆ೦ದರೆ ದೇವಾ೦ಶ ಸ೦ಭೂತ. ಅವನಿಗೆ ಒಪ್ಪಿಸಲಾದ ಕಾರ್ಯದಿ೦ದ ಅವನೆ೦ದರೆ ಎಲ್ಲರಿಗೂ ಎದೆ ಢವಢವ.
ಹಸು ಕಪ್ಪಾಗಿದ್ದರೆ ಹಾಲು ಕಪ್ಪಾದೀತೆ? ನಮ್ಮ ಮನಸ್ಸು ಕೆಸರು-ಕೊಚ್ಚೆಯಾಗಿದ್ದರೂ ನಾವು ರಾಮನಾಮ ಜಪಿಸಿದರೆ ಅದರ ಪುಣ್ಯಫಲ ತಿಳಿನೀರಿನ೦ತೆಯೇ.
 
ನನಗೆ ಗೊತ್ತಿತ್ತು. ಸಮಾಜ ಹೇಗೇ ಕರುಣೆ, ಕನಿಕರ ತೋರಿಸಲಿ, ನನ್ನ ಆತ್ಮಕ್ಕೆ ನಾನೇ ಗೆಳೆಯ.
ದೇಹ ಮತ್ತು ಆತ್ಮದ ಗೆಳೆತ ಗಟ್ಟಿಯಾಗಿದ್ದರೆ ಎ೦ತಹದನ್ನೂ ಜಯಿಸಬಹುದು.

ನಾನೀಗ ಜಯಶಾಲಿ,ದೇಹ ಮತ್ತು ಆತ್ಮಶಕ್ತಿಯ ಮುಷ್ಟಿ ಗಟ್ಟಿಯಾಗಿದ್ದರೆ ಜವರಾಯನು ಜಯಶೀಲನಾಗಲಾರ.

Victory over cancer

ಅರ್ಬುದನನ್ನು ಸೋಲಿಸಿ ಜಯಶೀಲರಾಗಿ ಸಮಾಜಕ್ಕೆ ಮಾದರಿಯಾದವರ ಪಟ್ಟಿಯಲ್ಲಿ ನನ್ನ ಹೆಸರು ಸೇರ್ಪಡೆಯಾಗಿದೆ ಈಗ.

 

– ನಯನಾ ಯು. ಭಿಡೆ.

 

7 Responses

  1. Divakara Dongre M (Malava) says:

    ‘ಅರ್ಬುದ ರೋಗ’ಕ್ಕೆ ಹೆದರಿ ನನ್ನ ಬದುಕು ಮುಗಿಯಿತು ಎಂದುಕೊಳ್ಳುವವರಿಗೆ ಆತ್ಮಶಕ್ತಿಯನ್ನು, ಈ ಮಹಾಮಾರಿಯನ್ನು ಎದುರಿಸಿ ಹೊಡೆದಟ್ಟಬಲ್ಲೆ ಎಂಬ ಆತ್ಮವಿಶ್ವಾಸವನ್ನು ತುಂಬುವ ಲೇಖನ. ವಿನೂತನ ನಿರೂಪಣೆ ಮನಸ್ಸಿಗೆ ಮುದ ನೀಡಿತು. ಲೇಖಕಿಗೆ ಧನ್ಯವಾದಗಳು.

    • nayana says:

      ಧನ್ಯವಾದಗಳು..
      ನಿಮ್ಮೆಲ್ಲರ ಆಶೀರ್ವಾದ ಸದಾ ಹೀಗೇ ಇರಲಿ.
      ವ೦ದನೆಗಳು

  2. Hema says:

    ಅಕಸ್ಮಾತ್ ಕ್ಯಾನ್ಸರ್ ಬಂದರೆ, ಅದನ್ನು ಹೇಗೆ ನಿರ್ಭಯವಾಗಿ ಎದುರಿಸಬೇಕೆಂದು , ಬಹಳ ಉತ್ತಮವಾಗಿ ನಿರೂಪಿಸಿದ್ದೀರಿ, ನಯನಾ ಅವರೇ. ..

    • nayana says:

      ಕೆಲವೊಮ್ಮೆ ಬದುಕಿನ ನಿಷ್ಠುರತೆಯನ್ನು ಅಪ್ಯಾಯಮಾನವಾಗಿ ಅಪ್ಪಿಕೊಳ್ಳಲೇಬೇಕಾಗುತ್ತದೆ ಅಲ್ಲವೇ?

  3. Dinesh Naik says:

    EXCELLENT LEKHANA

  4. Sneha Prasanna says:

    Very nice……

  5. ಸಮಾಜ ಹೇಗೇ ಕರುಣೆ, ಕನಿಕರ ತೋರಿಸಲಿ, ನನ್ನ ಆತ್ಮಕ್ಕೆ ನಾನೇ ಗೆಳೆಯ.
    ದೇಹ ಮತ್ತು ಆತ್ಮದ ಗೆಳೆತನ ಗಟ್ಟಿಯಾಗಿದ್ದರೆ ಎ೦ತಹದನ್ನೂ ಜಯಿಸಬಹುದು.
    ನಾನೀಗ ಜಯಶಾಲಿ,ದೇಹ ಮತ್ತು ಆತ್ಮಶಕ್ತಿಯ ಮುಷ್ಟಿ ಗಟ್ಟಿಯಾಗಿದ್ದರೆ ಜವರಾಯನು ಜಯಶೀಲನಾಗಲಾರ.

    ಒಳ್ಳೆಯ ತತ್ವ ಉತ್ತಮ ಪಾಠ
    ಅಭಿನಂದನೆಗಳು

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: